Azərbaycan, Bakı, 13 yanvar /Trend/
Azərbaycan-Ermənistan qoşunlarının təmas xəttində gərginlik davam edir.
Azərbaycan Müdafiə Nazirliyinin mətbuat xidmətindən cümə günü Trend-ə verilən məlumata görə, Ermənistan Silahlı Qüvvələrinin bölmələri yanvarın 12-də saat 11:30-dan 11:40-dək və 17:00-dan 17:20-dək Tərtər rayonunun Qızıloba və Yarımca kəndləri yaxınlığında yerləşən mövqelərdən, saat 15:35-dən 15:45-dək Füzuli rayonunun ərazisindəki adsız yüksəkliklərdə yerləşən mövqelərdən, saat 11:40-dan 11:50-dək Ağdam rayonunun Baş Qərvənd kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.