...

Avropanın mərkəzində Xocalı soyqırımı ilə bağlı mitinq keçiriləcək

Ermənistan-Azərbaycan münaqişəsi Materials 14 Fevral 2012 11:23 (UTC +04:00)
Brüsseldə Xocalı soyqırımının 20-ci ildönümü ilə əlaqədar mitinq keçiriləcək.
Avropanın mərkəzində Xocalı soyqırımı ilə bağlı mitinq keçiriləcək

Azərbaycan, Bakı, 14 fevral / Trend müxbir K.Zərbalıyeva/

Brüsseldə Xocalı soyqırımının 20-ci ildönümü ilə əlaqədar mitinq keçiriləcək.

Diasporla İş üzrə Dövlət Komitəsindən Trend-ə verilən məlumata görə, fevralın 28-də Belçikanın paytaxtı Brüsseldə Xocalı soyqırımının 20-ci ildönümü münasibətilə mitinq keçiriləcək.

Brüsseldəki Place Schuman meydanında Avropa Komissiyasının önündə saat 13:00-15:00 arasında keçiriləcək "İnsanlıq ayıbı Xocalıya ədalət" mitinqində "Hamımız Xocalılıyıq! Hamımız Türkük!" şüarlarının sədaları altında ölkədə fəaliyyət göstərən Azərbaycan və Türkiyə diaspor təşkilatlarının, siyasi partiya və ictimai təşkilatların nümayəndələrinin iştirakı planlaşdırılıb.

Azərbaycan-Belçika Dostluq Cəmiyyətinin təşəbbüsü ilə baş tutacaq aksiyanın keçirilməsində məqsəd ictimaiyyətin diqqətini 26 fevral 1992-ci il tarixində ermənilərin Azərbaycanın Xocalı şəhərinin dinc sakinlərinə qarşı törətdiyi soyqırıma yönəltmək, Xocalı şəhidlərinin xatirəsini anmaqdır.

Xəbər lenti

Xəbər lenti