Azərbaycan, Bakı, 14 iyul /Trend, müxbir İ.İsabalayeva/
Ermənistan Silahlı Qüvvələrinin bölmələri dünən və bu gecə növbəti dəfə atəşkəsi pozublar.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, Ermənistanın Noyemberyan rayonunun Şavarşavan kəndində, işğal olunmuş Ağdam rayonunun Mərzili, Qaraqaşlı və Şirvanlı; Cəbrayıl rayonunun Mehdili; Goranboy rayonunun Tapqaraqoyunlu; Xocavənd rayonunun Kuropatkino kəndləri yaxınlığında və adsız yüksəkliklərdə yerləşən mövqelərdən atəşkəs rejimini pozublar.
Düşmən cavab atəşi ilə susdurulub.