Azərbaycan, Bakı, 28 yanvar /Trend, müxbir E.Tariverdiyeva/
Belçika və Rusiyanın xarici işlər nazirləri Didye Reynders və Sergey Lavrov Dağlıq Qarabağ münaqişəsinin nizamlanmasını müzakirə ediblər.
Trend RF XİN-in rəsmi saytına istinadən məlumat verir ki, bu barədə Lavrov bazar ertəsi belçikalı həmkarı ilə danışıqların yekunu üzrə Moskvada keçirdiyi mətbuat konfransında bildirib.
"Əlbəttə, münaqişəli vəziyyətlərin saxlandığı Dnestryanı problem və Dağlıq Qarabağ münaqişəsinin nizamlanması daxil olmaqla, bir sıra məsələlərlə bağlı fikir mübadiləsi aparıldı. Bizdə bütün maraqlı tərəfləri qane edəcək və hüquq əsasa söykənən həllərin axtarışına ümumi maraq var", - Lavrov deyib.