...

Fransalı senatordan Dağlıq Qarabağa səfər etmiş siyasətçiyə: "Sizin abır-həyanız yoxdur"

Ermənistan-Azərbaycan münaqişəsi Materials 29 Oktyabr 2015 16:35 (UTC +04:00)
Fransalı senator Natali Qule Krıma səfər etdiyinə görə ölkə nümayəndə heyətini təqsirləndirən fransız siyasətçi Bruno Le Runun ikiüzlülüyünü ifşa edib.
Fransalı senatordan Dağlıq Qarabağa səfər etmiş siyasətçiyə: "Sizin abır-həyanız yoxdur"

Azərbaycan, Bakı, 29 oktyabr /Trend, müxbir Elmira Tariverdiyeva/

Fransalı senator Natali Qule Krıma səfər etdiyinə görə ölkə nümayəndə heyətini təqsirləndirən fransız siyasətçi Bruno Le Runun ikiüzlülüyünü ifşa edib. Belə ki, B.Ru daha əvvəl separatçı Dağlıq Qarabağ bölgəsinə qanunsuz səfər edib.

Trend-in məlumatına görə, N.Qule Fransa Milli Yığıncağında Sosialist Partiyası fraksiyasının rəhbəri B.Runun "Le Monde" nəşrində dərc edilmiş məqaləsini şərh edib. B.Ru həmin məqalədə eks-prezident Nikola Sarkozinin Moskvaya səfəri, xüsusilə də sabiq Prezidentin Fransa nümayəndə heyətinin Ukraynanın separatçı regionu Krıma səfərini təqdir etməsi barədə tənqidi fikirlər bildirib.

Fransa Senatının (parlamentin yuxarı palatası) üzvü N.Qule "Twitter" sosial şəbəkəsindəki səhifəsində yazıb: "Bruno Le Ru, sizin abır-həyanız yoxdur; Fransanın rəsmi mövqeyini pozmaqla Qarabağa səfər edirsiniz, sonra isə Rusiyaya səfərinə görə NS-i (Nikola Sarkozi - red.) tənqid edirsiniz".

Qeyd edək ki, B.Ru sentyabrın əvvəlində Azərbaycanın işğal edilmiş ərazilərinə, o cümlədən Xankəndinə səfər etmişdi.

Məqalədə:
Xəbər lenti

Xəbər lenti