...

Deputatlarımız Dağlıq Qarabağ münaqişəsini müzakirə etmək üçün Brüsselə gedirlər

Ermənistan-Azərbaycan münaqişəsi Materials 6 Dekabr 2016 10:17 (UTC +04:00)
Milli Məclisin Gənclər və idman komitəsinin sədri Fuad Muradov, Hüquq siyasəti və dövlət quruculuğu komitəsinin sədr müavini Rövşən Rzayev və deputat Rasim Musabəyov dekabrın 7-də Belçikanın paytaxtı Brüsselə səfər edəcəklər.
Deputatlarımız Dağlıq Qarabağ münaqişəsini müzakirə etmək üçün Brüsselə gedirlər

Bakı. Elçin Mehdiyev - Trend:

Milli Məclisin Gənclər və idman komitəsinin sədri Fuad Muradov, Hüquq siyasəti və dövlət quruculuğu komitəsinin sədr müavini Rövşən Rzayev və deputat Rasim Musabəyov dekabrın 7-də Belçikanın paytaxtı Brüsselə səfər edəcəklər.

Trend Milli Məclisin mətbuat xidmətinə istinadən xəbər verir ki, millət vəkilləri “Şərq tərəfdaşlığı ölkələrində münaqişə zonaları və həmin zonalarda insan hüquqları” mövzusunda konfransda iştirak edəcəklər. Konfransın məqsədi dondurulmuş münaqişələrin Şərq Tərəfdaşlarının ərazilərində - Krım, Donbass, Transnistria, Abxaziya, Cənubi Osetiya və Dağlıq Qarabağda insan hüquqlarının və fundamental azadlıqların icrasına təsirini araşdırmaqdır.

Tədbirdə Avropa İttifaqı qurumlarının təmsilçiləri, Avropa Parlamentinin və tərəfdaş ölkələrin deputatları, hökumət strukturlarının ekspertləri iştirak edəcəklər. Deputatlarımız toplantılarda müzakirəyə çıxarılacaq məsələlər barədə fikirlərini açıqlayacaq, təkliflərini bildirəcəklər.

Səfər dekabrın 9-da başa çatacaq.

Məqalədə:
Xəbər lenti

Xəbər lenti