Noyabrın 19-da Ağdam rayonunun Baş Qərvənd kəndi sahəsində, qoşunların təmas xəttində monitorinq keçirilib.
Bu barədə Trend ə Azərbaycan Respublikası Müdafiə Nazirliyinin mətbuat xidmətindən məlumat verilib.
Monitorinq ATƏT-in hazırkı sədrinin şəxsi nümayəndəsinin mandatına uyğun olaraq reallaşıb. Monitorinqi Azərbaycan tərəfdə ATƏT-in hazırkı sədrinin şəxsi nümayəndəsi səfir Anjey Kaspşik, onun səhra köməkçiləri Oleksandr Samarski və Piter Ki keçirib.
Təmas xəttinin qarşı tərəfində isə təmas xəttindəki vəziyyəti ATƏT-in hazırkı sədrinin şəxsi nümayəndəsinin shəra köməkçiləri İmre Palatinus, Harri Eronen və Jiri Aberle müşahidə edib.
Günün birinci yarısı həyata keçirilən monitorinq zamanı atəşkəs pozulmayıb. Hər iki tərəfin müşahidəçisi monitorinqin nəticəsini yüksək qiymətləndirib.
Trend-in ən mühüm və maraqlı xəbərlərini "Telegram"da izləyin
