ATƏT-in Minsk qrupu həmsədrlərinin Dağlıq Qarabağ münaqişəsi regionuna səfərinə hazırlıq gedir. Bu barədə Trend ə Rusiya Xarici İşlər Nazirliyinin Dağlıq Qarabağ üzrə Qrupundan məlumat verilib.
Qeyd olunub ki, mayın 24-də ATƏT-in Minsk Qrupu həmsədr ölkələrinin yüksək vəzifəli şəxslərindən ibarət nümayəndə heyəti Bakıya səfər edəcək. Belə ki, missiyaya həmsədrlərdən başqa RF-nin xarici işlər nazirinin müavini Vladimir Karasin, Fransa XİN-in siyasi məsələlər üzrə direktoru Stanislas D'Labule və ABŞ dövlət katibinin köməkçisi Daniel Frid daxil olacaq.
Görüşdə Azərbaycanın ali rəhbərliyi ilə Ermənistan-Azərbaycan, Dağlıq Qarabağ münaqişəsinin nizamlanması ilə bağlı danışıqlar prosesində yaranmış vəziyyət və gələcək addımlar müzakirə olunacaq. Missiya Bakıdan İrəvana yola düşəcək. Səfər mayın 26-da başa çatacaq.