ABŞ dövlət katibinin Avropa məsələləri üzrə köməkçisi Deniel Frid bəyan edib ki, "Kosovo digər regionlar üçün presedent deyil və olmayacaq".
Mediamaks agentliyinin məlumatına əsasən, Deniel Frid bu barədə Serbiya baş nazirinin Kosovonun müstəqlliyinin "BMT-nin tarixində ən təhlükəli presedent olacağı" ilə bağlı bəyanatını şərh edərkən bildirib.
"Kosovo istənilən digər hallar üçün presedent deyil. Dünyanın bir çox yerlərində çoxluq və azlıqlar arasında problemlər mövcuddur, bir çox yerlərdə separatçı icmalar var. Dünyanın heç bir yerində Kosovo ilə uyğun olan vəziyyət yoxdur. Dünyada BMT-nin artıq səkkiz il müddətində idarə etdiyi ərazi yoxdur. Kütləvi etnik təmizləmə prosesini dayandırmaq üçün NATO-nun müdaxilə etməsi ilə bağlı digər hallar da yoxdur. Əvvəllər də bəyan etmişik və gələcəkdə də deyəcəyik ki, Kosovo digər ərazilər - Abxaziya, Cənubi Osetiya, Çeçenistan, Dnestryanı, Korsika və ya Texas üçün presedent deyil", deyə ABŞ dövlət katibinin köməkçisi bəyan edib.
Trend-in ən mühüm və maraqlı xəbərlərini "Telegram"da izləyin
