Azərbaycan, Bakı / Trend , müxbir S.İlhamqızı/ Azərbaycan Prezidenti İlham Əliyev bazar ertəsi Prezident sarayında İsveçrənin Ətraf Mühit, Nəqliyyat, Energetika və Rabitə üzrə Federal departamentinin rəhbəri, nazir Moritz Leunberqerin rəhbərlik etdiyi nümayəndə heyətini qəbul edib. Görüşdə Azərbaycan-İsveçrə ikitərəfli münasibətlərinin uğurla inkişaf etdiyi bildirilib, bu səfərin ölkələr arasında əlaqələrin, o cümlədən nəqliyyat, ətraf mühit və energetika sahələrində əməkdaşlığın daha da genişləndirilməsinə xidmət etdiyi qeyd olunub.