Fransa, Strasburq/ Trend , müxbir A.Məhərrəmli/ Avropa Şurası (AŞ) Katibliyinin Strateji Planlaşdırma Direktorluğundan Trend ə verilən məlumata əsasən, 2008-ci il fevralın 5-də Strasburqda "Ukrayna və Cənubi Qafqazda insan hüquqları mədəniyyətinin təşviqi" üzrə Avropa Komissiyası/Avropa Şurası Birgə Proqramının Rəhbər Komitəsinin iclasının keçirilməsi nəzərdə tutulur.
Görüşün təşkilində məqsəd, sözügedən proqramın həyata keçirilməsində əldə edilmiş nailiyyətin nəzərdən keçirilməsi, eləcə də, 2008-2009-cu illərdə Cənubi Qafqaz, Ukrayna və Moldova ilə müxtəlif Avropa Komissiyası/Avropa Şurası birgə proqramları çərçivəsində əməkdaşlıq perspektivlərinin müzakirə edilməsindən ibarətdir.
Azərbaycanın müxtəlif dövlət qurumları təmsilçilərinin sözügedən tədbirdə iştirakı gözlənilir.