Azərbaycan, Bakı, 12 fevral /" müxbir İ.Əlizadə/ Azərbaycan parlamenti iki kəndin adının dəyişdirilməsi haqqında qərar qəbul edib. Milli Məclisin çərşənbə axşamı keçirilən iclasında Salyan rayonunun Aydın Gün və Uçar rayonunun Kirovkənd kəndlərinin adının dəyişdirilməsi məsələsi müzakirə olunub.
Komissiyanın üzvü Rüstəm Xəlilov bildirib ki, Salyan rayonunun Aydın Gün kəndinin sakinləri, bələdiyyə və rayon İcra Hakimiyyəti Milli Məclis yanında Toponimiya Komissiyasına müraciət ediblər. Müraciətdə Aydın Gün kəndinin adının Yeni Uluxanlı ilə əvəz olunması xahiş olunub.
Ucar rayonunun Kirovkənd kəndinin sakinləri, bələdiyyə və İcra Hakimiyyəti kəndin Ənvər Məmmədxalnı adlandırılmasını xahiş ediblər.
Lakin deputatlar Azərbaycanda yer, o cümlədən kənd adlarının dəyişdirilməsinə etirazlarını bildiriblər. Deputatlar qeyd ediblər ki, Azərbaycanda yer adlarının dəyişdirilməsi adət halını alıb. Bu isə, taxiri baxımdan yolverilməzdir.
Gərgin keçən müzakirələrdən sonra, Milli Məclis Salyan rayonunun Aydın Gün kəndinin və Uçar rayonunun Kirovkənd kəndinin adının dəyişdirilməsi və Yeni Uluxanlı və Ənvər Məmmədxanlı adlandırılması haqqında qərar qəbul edib.
Müəlliflə əlaqə saxlamaq üçün elektron ünvan - [email protected]
