Azərbaycan, Bakı, 13 fevral / Trend , müxbir S.İlhamqızı/ Beş müxalifət partiyasının yeni birliyi yaradıla bilər. Bu barədə çərşənbə günü Trend ə Tərəqqi Partiyasının sədri Çingiz Dəmiroğlu məlumat verib.
Azərbaycan Naminə İctimai Forumun, AMİP, ADP, Müsavat, Tərəqqi partiyalarının rəhbərləri ötən ilin yayından məşvərət aparmaq məqsədilə toplanırlar.
Məşvərət qurumunun çərşənbə günü keçirilən toplantısında bu partiyaların birliyinin yaradılması barədə müzakirələr aparılıb.
"Bir həftədən sonra məşvərət qurumunun növbəti toplantısında bu partiyalardan ibarət birliyin yaradılması barədə qərar verilə bilər"-deyə Dəmiroğlu bildirib.
Onun sözlərinə görə, bu beş siyasi təşkilatın əməkdaşlıq formsasına dair saziş layihəsi də hazırlanıb.
Müəlliflə əlaqə saxlamaq üçün elektron ünvan - [email protected]