Ukrayna, Kiyev, 21 fevral/ " , Z.Novosvitski/ Lvov Aviasiya-Təmir Zavodunda (LATZ) MiQ -29 təyyarələrinin təmiri və yeniləşdirilməsi üzrə işlərin yüksək keyfiyyətli olmasına əmindirlər.
"Biz yüzdən çox bu tipli təyyarəni təmir etmişik və yeniləşdirmişik. Bizim işlərimizin keyfiyyəti beynəlxalq sertifikatlar və Ukraynanın Müdafiə Nazirliyinin attestasiyaları ilə təsdiqlənib" - müəssisənin baş mühəndisi Roman Kaçmar Trend a bildirib.
Yanvarın 29-da Azərbaycan Müdafiə Nazirliyi Hərbi Hava Qüvvələrinin MiQ -29 qırıcısı təlim uçuşları keçirilərkən qəzaya uğrayıb. Nəticədə təyyarədə olan hər iki pilot həlak olub. Azərbaycanın Fövqəladə Hallar Nazirliyinin əlavə axtarış işlərinə daha iki dövlət idarəsi - Azərbaycan Dövlət Neft Şirkəti və Dövlət Sərhəd Xidməti qoşulub.
Fevralın 12-də Qazaxıstan Silahlı Qüvvələrinin Hava Müdafiəsi Qüvvələrinin MiQ -29UB təyyarəsi qəzaya uğrayıb. Bu iki təyyarənin təmiri və yeniləşdirilməsi Lvov Dövlət Aviasiya-Təmir Zavodunda (Ukrayna) həyata keçirilib.
Rusiyanın təyyarə tikintisi korporasiyası MiQ-in ictimai əlaqələr İdarəsinin rəisi Yelena Lvova əvvəllər Trend a qəzanın səbəbinin köhnəlmiş texnikanın satışı və istismarı ola biləcəyini söyləyib.
Lvova istehsalçıların dəfələrlə təkmilləşdirmə prosesinə MiQ şirkətinin təyyarə hazırlayanını cəlb etmək məsələsini qaldırdıqlarını qeyd edib. "Biz yalnız o zaman hər hansı bir məsuliyyət daşıyırıq" - zavodun nümayəndəsi bildirib.
Kaçmar Qazaxıstanda MiQ -29-un qəzaya uğramasını araşdıran komissiyaya yardım etmək üçün ukraynalı mütəxəssislərin qrupa daxil edildiyini qeyd edib. Azərabaycan tərəfi hələ ki, qırıcının qəzaya uğraması səbəblərinin araşdırılmasına ukraynalı ekspertlərin qoşulması üçün müraciət etməyib.
MiQ -29 təyyarələri təlim uçuşları zamanı Rusiya, Malayziya, Peru, Slovakiya və Ermənistanda qəzaya uğrayıblar.
Bu həftə Əlcəzairin Hərbi Hava Qüvvələri 2006-2007-ci illərdə alınmış 15 MiQ -29 təyyarəsini Rusiyaya qaytarıb.
Qırıcıların qaytarılmasının səbəbi "təyyarənin tərkibində istismarda olmuş və ya aşağı keyfiyyətli ayrı-ayrı hissə və detalların olması" olub.
MİQ-29 təyyarəsi Rusiya istehsalıdır və 1971-ci ildən istehsal olunur. Təyyarənin uzunluğu 14.8 metr, qanadlarının uzunluğu 11.4 metr, hündürlüyü 4.3 metrdir. Təyyarənin hərbi sursatla birgə çəkisi 15 min 300 kiloqramdır. Maksimal sürət 2400 kilometr/saatdır. Təyyarə maksimum 18 min metr yüksəkliyə qalxa və 2100 kilometr məsafəni qət edə bilir. Onun dəqiqədə 1500 atəş aça bilən 30 millimetrlik QŞ-301 tipli topu var. Təyyarə İR-60 tipli raketlərlə təchiz edilib. MİQ-29 230-240 kilometrdən hava hədəflərini məhv etmək qabiliyyətinə malikdir.
Lvov Dövlət Aviasiya-Təmir Zavodu təmirarası ehtiyatın və xidmət müddətinin bərpa edilməsi üzrə bütün kompleks işlər də daxil olmaqla MiQ- 21, MiQ- 23, MiQ- 27 i MiQ- 29 təyyarələrinin, onların aqreqatlarının və avadanlığının təmirini həyata keçirir. Müəssisə bundan əlavə, MiQ-29 təyyarəsinin optik-elektron nişangah naviqasiya kompleksinin yeniləşdirilməsini həyata keçirir.
