Azərbaycan, Lənkəran, 06 mart / Trend , müxbir P.Əliyeva, S.İlhamqızı/ Hakim Yeni Azərbaycan Partiyasının dəvəti ilə Azərbaycana səfərə gələn Şimali Kipr Türk Cümhuriyyəti siyasi partiyalarının nümayəndələri bu gün Lənkəran şəhərində olublar. Qonaqlar Lənkəranın icra başçısı ilə, YAP-ın yerli təşkilatının fəalları, gənclərlə görüş keçiriblər.
İcra başçısı Süleyman Mikayılov kiprli gənclərə Lənkəranın sosial-iqtisadi inkişafı, yeni iş yerlərinin açılması barədə məlumat verib. Qonaqlar bölgədə baş verən yeniliklər, rayonun inkişafı, sityasi partiyaların oradakı fəaliyyəti, gənclərin ictimai-siyasi fəallığı ilə maraqlanıblar. Həmçinin Lənkəranın maraqlı yerlərini gəziblər.
Şimali Kiprdən gələn qonaqlar Özgürlük və Reform, Cümhuriyyət Tük, Ulusal Birlik və Toplumçu Demokrtik partiyalarının gənclər təşkilatlarının fəallarıdırlar.
Kiprli gənclərin səfərində məqsədi həm də Azərbaycanın və Şimali Kipr Türk Cümhuriyyətinin Avropa Birliyinə daxil olması üçün bir-birilərinə dəstəyi artırmaq, bu yolda birgə işlər görməkdir.