Rusiya, Moskva, 12 mart/ " müxbir R.Ağayev/ Dağlıq Qarabağ məsələsi MDB işləri və həmvətənlərlə əlaqələr üzrə Dövlət Duması Komitəsinin sabahkı iclasının gündəliyinə, ümumiyyətlə, çıxarılmayıb. Bu barədə Trend -a Komitə aparatının rəhbəri Mariya Lazutova məlumat verib. O, martın 13-də MDB işləri və həmvətənlərlə əlaqələr üzrə DD Komitəsinin iclasının keçiriləcəyi haqqında məlumatı təsdiqləyib. İclasda post-sovet məkanında münaqişələrin nizamlanma perspektivləri müzakirə ediləcək.
Bir müddət əvvəl bildirilirdi ki, iclasda MDB ərazisindəki bütün "dondurulmuş" münaqişələr müzakirə ediləcək.
"İclas yalnız üç tanınmayan respublika - Abxaziya, Cənubi Osetiya və Dnestryanıya aiddir. Sabahkı iclasın gündəliyində Dağlıq Qarabağ məsələsi yoxdur", - o bildirib. Lazutovanın sözlərinə görə, bu gün saat 18.00 - da Komitə post-sovet məkanında münaqişələrin nizamlanması üzrə qarşıdakı dinləmələrə dair rəsmi pres-relizlə çıxış edəcək.