Fransa, Strasburq, 20 mart / " müxbir A.Məhərrəmli/ Martın 19-da Strasburqda GUAM və Avropa Şurası arasında keçirilən məsləhətləşmələrin yekunu üzrə GUAM-ın Baş katibi Valeri Çeçelaşvili ilə Trend un müsahibəsi
- GUAM və Avropa Şurası arasında Strasburqda keçirilən məsləhətləşmələri necə qiymətləndirirsiniz?
- Çox müsbət qiymətləndirirəm, həmçinin? GUAM və Avropa Şurası arasında əməkdaşlıq təşəbbüsünə görə, sədr ölkəyə (Hazırda Azərbaycan GUAM-a sədrlik edir - Redaktorun əlavəsi) öz minnətdarlığımı bildirmək istəyirəm. Mən xüsusi olaraq öz təmsilçilərimizə - AŞ-da GUAM-a üzv ölkələrə bizim yaxşı təmsil olunmağımız üçün fəal hazırlıq fəaliyyəti göstərdiklərinə görə minnətdarlığımı bildirmək istəyirəm.
Mən düşünürəm ki, görüş maraqlı oldu. Görüş zamanı biz GUAM-ı təqdim etdik və bu, şübhəsiz , beynəlxalq münasibətlərdə onun görüntüsünü təmin edəcək. Çünki Avropa Şurasıı ölkələrinin tərkibi bizim üçün çox mühümdür.
Hər halda, onların əksəriyyəti bizim potensial tərəfdaşlarımızdır. Biz hesab edirik ki, demokratik institutların möhkəmlənməsi, müvafiq norma və standartlar üzrə insan haqlarının təsdiq edilməsi, humanitar müqavilələrin inkişafı və digər əməkdaşlıq sahələrində bizim yaxşı perspektivlərimiz mövcuddur. Biz Avropa Şurası ilə qarşılıqlı fəaliyyətdə ciddi nəticələr əldə edə bilərik. Əməkdaşlığın konkret istiqamətləri üzrə yenə də görüşlər keçiriləcək. Düşünürəm ki, Avropa Şurası Katibliyi GUAM-la əməkdaşlıq proqramının hazırlanmasına razılıq əldə edəcək və onu bizə təqdim edəcək. Biz öz tərəfimizdən proqramı Milli Koordinatorlara, Avropa Şurası Katibliyi isə, öz rəhbər orqanlarına gönərəcəyik. Belə olan halda, biz yaxşı, konkret əməkdaşlıq layihələri hazırlaya bilərik.
- GUAM və Avropa Şurası arasında əməkdaşlığın perspektivlərini necə görürsünüz?
- Mən əminəm ki, indiki halda təkcə Avropa Şurası GUAM-a deyil, GUAM da Avropa Şurasına lazımdır. Çünki biz əməkdaşlıq mexanizmləri və alətləri ilə yaxşı təlimatlandırılmış təşkilata çevrilirik və bu, şəxsi əməkdaşlıq proqramları və layihələrinin reallaşdırılmasında Avropa Şurasına kömək edə bilər. Buna görə, mən burada ikitərəfli fayda görürəm. Biz öz tərəfimizdən, təşkilatımızın sənədlərində bildirildiyi kimi, bizimlə nizamnaməyə uyğun məqsəd və vəzifələrimizi bölüşən istənilən təşkilatla əməkdaşlıq etməyə hazırıq. Bu, Avropa Şurası tərəfindən də yaxşı qəbul olunacaq.
- Bu yaxınlarda Moldova prezidenti Rusiya qəzetlərindən birinə müsahibəsində təşkilatın səmərəsizliyi səbəbindən, ölkənin GUAM-dan çıxmasının mümkünlüyünə dair bəyanat verib. Bu bəyanata münasibətiniz necədir?
- Mən bunları deyə bilərəm. Bizim dövlət başçılarımız GUAM-dan konkret əməkdaşlıq proqramı və layihələrinin inkişafını gözləyirlər. Beynəlxalq formatda qısa müddət ərzində bütün istiqamətlər üzrə mükəmməl əməkdaşlığı inkişaf etdirmək o qədər də asan deyil. Təşkilatdan çox şey gözləməklə bağlı tənqidi mən başa düşürəm. Biz GUAM-ın beynəlxalq münasibətlər sistemində nəinki sadəcə nüfuzlu təşkilat olması, həmçinin, onun dövlətlərimizin, o cümlədən Moldovanın milli vəzifə və məqsədlərinin reallaşdırılması üçün çoxtərəfli siyasi alət kimi səmərəli vasitə olması üçün hər şey edəcəyik. Biz bu fəaliyyəti davam etdirəcəyik.
Mən ümid edirəm ki, Moldova öz tərəfindən GUAM-ın uğurla inkişaf edən bütün proqram və layihələrində fəal iştirakını davam etdirəcək. Moldovanın əsas töhfələri əsasında, xüsusilə onun koordinator olduğu ( Mütəşəkkil cinayətkarlıqla mübarizə və turizm sahəsində əməkdaşlığın inkişafı üzrə qrup) işçi qruplarının köməyi ilə, GUAM-ın inkişafını davam etdirəcəyik.
- Avropa Şurası ilə GUAM arasında "dondurulmuş münaqişələr"in nizamlanması məsələsi məsləhətləşmələrə daxil edilibmi?
- Azərbaycadan olan nümaynədə Tofiq Musayev öz çıxışında GUAM ölkələrinin münaqişələrin nizamlanması ilə bağlı formalaşdırdığı ümumi yanaşmalar barədə Avropa Şurasını məlumatlandırdı. Çünki bizim mövqeyimiz beynəlxalq hüququn ümumi qəbul olunan aydın prinsip və normalara əsaslanır. Mən düşünürəm ki, bu məlumat Avropa Şurası tərəfindən düzgün qəbul olundu.
- GUAM sammiti nə zaman keçiriləcək?
- Növbəti sammitin cari ilin 1-2 iyulunda Tbilisidə keçirilməsi planlaşdırılır. Yaxın vaxtlarda müvafiq rəsmi dəvətnamələr, ilk növbədə, GUAM-a üzv ölkələrin prezidentlərinə, tərəfdaşlarımıza - bizim Tbilisidə keçiriləcək sammitdə görmək istədiyimiz fərdi ölkə və təşkilatlara göndəriləcək. Əlbəttə , biz Avropa Şurasının Baş Katibi Terri Devisi də dəvət edəcəyik.