Azərbaycan, Bakı, 31 mart / " S.Ağayeva/ İordaniya Haşimilər Krallığının mədəniyyət naziri Nensi Bakirin Azərbaycana səfərinin tarixi dəyişdirilib. Bu barədə Azərbaycanın İordaniyadakı səfiri Elman Araslı cümə axşamı Əmmandan telefonla Trend -a məlumat verib.
Səfir qeyd edib ki, səfər iyunda baş tutacaq.
İordaniya mədəniyyət nazirinin səfəri aprelin 2 -4-ə nəzərdə tutulmuşdu. Azərbaycan və İordaniya arasında mədəni-hunanitar sahədə əməkdaşlıq məsələlərinin müzakirəsi planlaşdırılmışdı.
Görüşdə iki dövlət arasında mədəni əməkdaşlıq, başlıca olaraq hər iki dövlətdə mədəniyyət tədbirlərinin həyata keçirilməsi məsələsinin müzakirəsi də gözlənilirdi.
Səfir bildirib ki, hər iki ölkənin mədəniyyət günlərinin keçirilməsi haqqında razılaşma var və bu, tərəflərə mədəni irs və turizmlə tanış olmağa imkan verəcək.
Müəlliflə əlaqə saxlamaq üçün elektron ünvan: [email protected]
