Azərbaycan, Lənkəran, 08 aprel / Trend ", müxbir P.Əliyeva/ Lənkəran rayonunda bu il törədilən cinayət faktları artıb. Bu barədə çərşənbə axşamı Trend a Lənkəran rayon Polis Şöbəsinin cinayət axtarışı bölməsinin rəisi İlham Əhmədov məlumat verib. Onun sözlərinə görə, yanvar-mart aylarında 89 cinayət faktı qeydə alınıb ki, bu da ötən ilin müvafiq dövrü ilə müqayisədə 3 fakt çoxdur.
Hesabat dövründə paytaxt Bakıdan 270 kilometr cənubda yerləşən Lənkəranda cinayət faktlarının 83-nün (93 % ) üstü açılıb. Bağlı qalmış 6 cinayət faktının 2-i narkotiklə, digərləri isə oğurluqla bağlıdır.
Əhmədov deyib ki, bu il törədilən cinayətlərin 19-u narkotiklə bağlı faktdır, bu da ötən ilin müvafiq dövrü ilə müqayisədə 2 fakt çoxdur. Onun sözlərinə görə, ilin birinci rübündə axtarışda olan 36 nəfərdən 9-u (26,7%) tutulub. Hərbi cinayətlərlə bağlı 15 nəfər axtarışda olub ki, onlardan 4-ü tutulub, itkin düşən 12 nəfərdən 4-ü tapılıb.
Məqalə müəllifi ilə əlaqə ünvanı: [email protected]
