...

Azərbaycan Parlamentində Bakının prospektlərindən birinə İrəvanın adının verilməsi məsələsi qaldırılıb

Siyasət Materials 15 Aprel 2008 13:35 (UTC +04:00)

Azərbaycan, Bakı, 15 aprel / Trend , müxbir İ.Əlizadə/ Azərbaycan Parlamentində paytaxt Bakının geniş prospektlərindən birinə İrəvanın adının verilməsi məsələsi qaldırılıb. "İrəvan Azərbaycanın qədim şəhərlərindən biridir. Prezident İlham Əliyev də vətəndaşlarla görüşündə İrəvanın qədim Azərbaycan şəhəri olduğunu və onun geri qaytarılmasının vacibliyini bildirib" - deyə Milli Məclisin çərşənbə axşamı keçirilən iclasında hakim Yeni Azərbaycan Partiyasını təmsil edən deputat Musa Quliyev bildirib.

O qeyd edib ki, eyni zamanda, Azərbaycanın rayon və şəhərlərində olan qəsəbələrdən birinə Yeni İrəvan adı verilməlidir: "Gəncə şəhərində Qərbi Azərbaycandan köçüb gəlmiş sakinlər məhəllə salıblar. Seçicilər oraya qəsəbə statusunun verilməsini və Yeni İrəvan adlandırılmasını tələb edirlər".

Spiker Oqtay Əsədov isə bildirib ki, Milli Məclis İrəvanın qədim Azərbaycan şəhəri olması və oranın ermənilərə verilməsinin tarixi ilə bağlı bəyanat hazırlayıb. "Bəyanatın hazırlanması yekunlaşmaq üzrədir və yaxın vaxtlarda Milli Məclisdə müzakirəyə çıxarılaraq qəbul ediləcək" - deyə Əsədov əlavə edib.

Xəbər lenti

Xəbər lenti