Azərbaycan, Bakı, 22 aprel / Trend , müxbir K.Zərbalıyeva/ Hüquq Maarifçiliyi Cəmiyyəti (HMC) hakimlər barəsində intizam icraatı ilə bağlı qanunvericiliyin təkmilləşdirilməsi ilə bağlı tövsiyələr hazırlayıb.
Təşkilatın "Hakimlərin intizam məsuliyyəti: Qanunverıcılik və tətbiqi təcrübəsinin monitorinqi" adlı hazırladığı hesabatda hazırlanmış tövsiyələr qeyd olunub.
Təşkilat hesab edir ki, hakimlər barəsində intizam icraatının başlanması üçün əsaslar olduqda vətəndaşların birbaşa Məhkəmə Hüquq Şurasına (MHŞ) müraciət etmək hüququ qanunverıcılikdə təsbit olunmalıdır.
Qanunverıcılikdə "kobud pozuntu"nun anlayışının aydınlaşdırılmasını vacib sayan HMC hesab edir ki, ərizəçılərin kobud pozuntu hesab etdikləri pozuntuları səlahiyyətli orqanlar kobud pozuntu kimi qiymətləndirmir.
Tövsiyələrdən biri də pozuntulara yol verən hakimlər barəsində intizam icraatının başlanması üçün MHŞ-yə müraciət etmək hüququ olan məsul şəxslərin dairəsinin qanunvericiliklə dəqiq müəyyənləşdirilməsi, hakimlərin səlahiyyətinə vaxtından əvvəl xitam verilməsinin əsasları və qaydasının qanunvericilikdə dəqiq tənzimlənməsi ilə bağlıdır.
Hesabatda qeyd olunur ki, MHŞ ümumilikdə 30 hakimə - 2005-ci ildə 6, 2006-cı ildə 17, 2007-ci ildə isə 7 hakimə töhmət verilməsi barədə qərar qəbul edib.
MHŞ 10 hakim barəsində başlanmış intizam icraatına xitam verib. Bunlardan 5-i 2005-ci, 4-ü 2006-cı, 1-i isə 2007-ci ildə olub.
Qurum 2005-ci ildə 1, 2007-ci ildə isə 2 hakimin səlahiyyətlərınə vaxtından əvvəl xitam verilməsi barədə qərar qəbul edib.
Barələrində intizam icraatı başlanmış hakimlərin əksəriyyəti qanun pozuntularına yol verdiklərıni etıraf ediblər və səbəbini iş yüklərinin çoxluğu ilə izah ediblər.
Azərbaycan hakimlərin sayına görə Avropa ölkələri sırasında sonuncu yerlərdən birini tutur. Hakimlərin sayı az olduğundan onların iş yükü də haəddən artıqdır.
Hesablamalar görə, il ərzində bir hakim 100-dən artıq işə baxır. Bu isə qəbul edilmiş qərarların keyfiyyətinə təsir göstərir.
Hazırda respublikada 200-dək vakant hakim yeri var.
Məqalənin müəllifi ilə [email protected] ünvanı ilə əlaqə saxlaya bilərsiniz
