Azərbaycan, Bakı, 22 aprel / Trend , müxbir S.İlhamqızı/ Milli Təhlükəsizlik Nazirliyi müxalifətçi Azərbaycan Milli İstiqlal Partiyasının qurultayına yer ayrılması ilə bağlı partiyanın müraciətinə cavab verib. Bu barədə çərşənbə axşamı Trend a AMİP-dən məlumat verilib.
Partiya Şəhriyar adına Mədəniyyət Mərkəzində qurultay keçirilməsi üçün bu obyektin aidiyyatında olduğu Milli Təhlükəsizlik Nazirliyinə müraciət etmişdi.
Çərşənbə axşamı nazirlikdən AMİP-ə ünvanlanan cavab məktubunda bildirilib ki, Şəhriyar adına Mədəniyyət Mərkəzində və onun ətrafında təmir, abadlıq işləri aparıldığı üçün orada hər hansı tədbir keçirmək mümkün deyil.
AMİP Rəşid Behbudov adına Mahnı Teatrının da bir günlük icarəyə verilməsi üçün Mədəniyyət və Turizm Nazirliyinə müracət etmişdi, lakin bu nazirlikdən hələlik heç bir cavab verilməyib.
AMİP-dən bildirilib ki, partiyanın qurultayı qeyri-müəyyən vaxta təxirə salınıb.
Müəlliflə əlaqə saxlamaq üçün elektron ünvan - [email protected]
