Azərbaycan, Bakı, 22 may / Trend , müxbir K.Zərbalıyeva/ Bu gün səhərdən Babək prospekti ilə NZS qəsəbəsinin kəsişməsindən Fəhlə prospektinə və AMAY Ticarət Mərkəzindən Fəhlə prospektinə gedən yol müvəqqəti bağlanıb.
Bakı Şəhər Dövlət Yol Polisi İdarəsinin şöbə müdiri Vaqif Əsədov cümə axşamı Trend -a bildirib ki, həmin yollarda kommunikasiya xətlərində təmir işləri aparıldığından avtomobillərin hərəkətinə müvəqqəti qadağa qoyulub. Bakı Şəhər Dövlət Yol Polisi İdarəsi sürücüləri diqqətli olmağa, yol hərəkəti qaydalarına riayət etməyə çağırıb.
Yollarda təmir işləri başa çatanadək avtomobillər köməkçi yollara istiqamətləndirilib.
Müəlliflə əlaqə saxlamaq üçün elektron ünvan - [email protected]
