Rusiya, Moskva, 22 may / Trend , R.Ağayev, A.Qasımova / Gürcü müxalifətinin parlament seçkilərinin nəticələrindən narazığılı, gərginliyin azalması ilə əlaqədar, ölkədəki vəziyyətin qeyri -stabilləşməsinə gətirib çıxarmayacaq. "Ola bilsin ki, gürcü müxalifəti hər hansı bir etiraz mitinq və aksiyalar keçirilsin, lakin, ötən ilin noyabrı ilə müqayisədə, hazırda ölkədəki vəziyyət o qədər də gərgin deyil - Avropalı ekspert Svante Kornell (Svante Cornell) hesab edir.
MSK-nın ilkin nəticələrinə əsasən, Gürcüstanın parlament seçkilərində 52 faizdən çox seçici iştirak edib. Seçkilərdən dərhal sonra exit-pollun 16 saata olan nəticələri açıqlanıb. Bu məlumatlara əsasən, 63 faizdən artıq səs toplayan iqtidar partiyası inandırıcı şəkildə liderlik edir.
Müxalifət nümayəndələri iddia edir ki, seçkilər kobud pozuntularla keçib. İqtidarda olan "Vahid Milli Hərəkat"-ın nümayəndələri isə, keçirilmiş seçkini ədalətli və demokratik qiymətləndirir.
"Müxalifət kütləvi etiraz aksiyalarının keçirilməsi üçün kifayət qədər insan toplaya bilməyəcək. Fikrimcə, müxalifət hər hansı bir -qarışıqlıq yaratmağa müvəffəq olmayacaq", - Corc Hopkins (ABŞ) Universiteti nəzdində Orta Asiya və Qafqaz İnstitutunun direktoru Kornell Stokholmdan telefonla cümə axşamı Trend -a bildirib. Ekspert hesab edir ki, prezident seçkilərindən sonra müxalifət, sadəcə, 2-3 min nəfər toplaya bilib, lakin indi vəziyyət dəyişib - insanlar siyasətə meylli deyillər, onlara artıq maraqlı deyil.
Kornellanın sözlərinə görə, müxalifət seçkilərə qədər bildirib ki, məğlub olduğu halda, seçkiləri saxtalaşdırılmış hesab edəcək, lakin onlarda seçkilərin qanunsuz keçirilməsi haqda heç bir fakt yoxdur. "Müxalifətin seçkilərin nəticələrini dəyişdirmək imkanları yoxdur, beynəlxalq nəzarətçilər seçkilərin keçirilmə prosedurunu müsbət qiymətləndiriblər. Anoloji vəziyyət sonuncu prezident seçkilərində müşahidə olunub. O zaman da müxalifət nəticələrlə razı deyildi, lakin beynəlxalq müşahidəçilər Saakaşvilinin qalibiyyətini təsdiq edib", - ekspert qeyd edib.
Kornell hesab edir ki, Gürcüstanın bəzi müxalifət liderləri - populistlər, bir qayda olaraq, Rusiyanın əlaltılarıdır. "Reytinqlərə əsasən, əvvəllər müxalifət 25 faiz seçici səsi topladığı halda, hazırda bu rəqəm 12-13 faizə düşüb. Bunu isə, müxalifətçilərin radikal və qeyri - ciddi siyasətinin nəticəsi hesab etmək olar", - ekspert əlavə edib.
Yüksək vəzifəli amerikalı ekspert Svante Kornell hesab edir ki, Gürcüstanın iqtidarda olan "Vahid Milli Hərəkat" partiyası ilkin hesablamalara görə, keçirilən seçkidə ən çox səs toplayıb, bu isə, öz növbəsində, gürcü müxalifətinin etirazına səbəb olub.
Əlbəttə, Gürcüstan müxalifətini parlament seçkilərinin nəticələri qane etmir, lakin nəticələr və müxalifət düşərgəsində hökm sürən etiraz, çətin ki, hökumətə və prezidentə qarşı aksiyaların təşkil olunmasına gətirib çıxarsın, - Rusiyalı ekspert Qriqori Trofimçuk bildirib.
"Seçkilərdən sonra bir çox bəyanatlar, müəyyən səs-küy yaranacaq, lakin müxalifətin bir hissəsi parlamentə daxil olub, yeri gəlmişkən bu haqda Şevardnadze vaxtilə deyib, lakin onun qabaqcadan dedikləri sonunadək həyata keçmədi. Onun fikirlərinə görə, müxalifət parlamentə böyük cinah kimi daxil olmalıydı, lakin olan oldu", - Rusiya Federasiyası Dövlət Dumasının Təhlükəsizlik Komitəsinin məsləhətçisi, "Sila № 3" jurnalının baş redaktoru Trofumçuk cümə axşamı Trend -a bildirib.
Trofimçukun fikrinə görə, gözlənilən səs - küylü bəyanatlar və bununla bağlı ajiotaja baxmayaraq, növbəti seçkilərədək hər şey sakitləşəcək. "Prezident və parlament artıq seçilib, proqram maksimum olaraq, Gürcüstan hakimiyyəti tərəfindən həyata keçirilib. Və burada tektonik xarakterli dəyişikliklərin baş verməsi üçün müxalifət düşərgəsində strateji innovasiya və ya qeyri - standart liderin, havadarın meydana çıxması və ya Qərblə hər hansı bir əlaqə yaradılmalıdır. Lakin köhnə material üzərində bu gün hər hansı dəyişiklik, çətin ki, mümkün olsun", - rusiyalı ekspert əlavə edib.