İsrail, Qüds, 30 may / Trend , müxbir R.Abdullayev/ Bir çox müşahidəçilərin qabaqcadan verdiyi xəbərlərə görə, Ehud Olmertin hazırkı hökuməti İsraildə yaranan vəziyyətdə müəyyən edilmiş səlahiyyət müddətinin sonunadək fəaliyyət göstərə bilməyəcək. "Hökumət koalisiyasının vaxtından əvvəl dağılma tendensiyasının ənənəyə çevrilməsi məyusedicidir və hazırkı hökumət də, görünür, istisna olmayacaq", - deyə İsrail eksperti Mordexay Kedar hesab edir.
İsrailin müdafiə naziri EhudBarak Baş nazirin partiyasına ultimatum göndərib: ya rüşvət almaqda şübhəli bilinən Olmertin istefası, ya da növbədənkənar seçkilər. "Baş nazir eyni zamanda həm ölkəni idarə edə, həm də polis araşdırmalarının öhdəsindən gələ bilməz", - hakim koalisiyaya daxil olan Əmək partiyasının lideri Ehud Barak bildirib. Onun sözlərinə görə, yaranmış vəziyyət, xüsusilə də "Hizbullah" və HƏMAS tərəfindən təhlükə, Olmertin dövlət idarəçiliyindən uzaqlaşdırılmasını tələb edir.
"Siyasi, iqtisadi və müdafiə sahələrində ölkənin qarşısında duran çətin vəzifələr təkcə İsrail ictimaiyyətinin daxilində süni böhran yaratmadı, ölkənin siyasi işteblişmentində, o cümədən hakim Kadime partiyasının özündə də kəskin qarşıdurmaların olduğunu üzə çıxardı. Bu gün gündəlikdə duran əsas məsələ növbədənkənar seçkilərin keçirilib-keçirilməyəcəyi və ya nə zaman keçiriləcəyindən ibardir", - deyə cümə günü Trend a Bar-İlan Universiteti (Təl-Əviv) nəzdində Strateji Araşdırmalar Mərkəzinin eksperti Kedar bildirib.
Kedarın sözlərinə görə, Ehud Olmertin qeyri-ligitimliyi nəticəsində, ABŞ Dövlət katibi İsrailə növbəti "fərdi" səfərindən imtina etdi. Digər tərəfidən, Olmert, kolalisiyanın dağılma ərafəsində olmasına, Knessetin bir çox üzvlərinin, o cümlədən onun öz "Kadima" partiyasından iki nümayəndənin Baş naziri istefaya çağırmasına baxmayaraq, ABŞ-a gedir. "Hökumət başçısı, barəsində yayılan korrupsiya qalmaqalları üzrə aparılan araşdırmalardan xalqın diqqətini yayındırmaq üçün əlindən gələni etməyə can atır", - deyə Kedar bildirib.
Dünən bu vaxtadək susan İsrailin xarici işlər naziri Tsipi Livni "Kadima"nın iki yol ayrıcında olduğunu bəyan edib: partiya qərar qəbul etməlidir və növbədənkənar seçkilər də daxil orlmaqla, hadisələrin istənilən inkişaf ssenarisinə hazır olmalıdır. İsrail ekspertinin sözlərinə görə, belə olan halda, Tsipi Livni faktiki olaraq, partiya daxilində seçkiöncəsi mübarizəyə start vermiş oldu. Bu mübarizədə qalib gələn "Kadima" partiyasının sədri postuna yiyələnəcək. İctimai rəy sorğusuna əsasən, Livni, sözsüz ki, mübarizədə favoritdir. Lakin bu gün bütün İsrail qəzetlərinin qeyd etdiyinə görə, Baş nazir Ehud Olmert onu öz yerinə buraxmamaq üçün hər şey edəcək. "Olmertin öz namizədi var - nəqliyyat naziri Şaul Mofaz. Ehud Olmert, çox güman ki, xarici işlər nazirini dayandırmaq üçün məhz Mofaza ümid edəcək", - deyə Kedar yekunlaşdırıb.
Keçmiş Baş qərargah rəisi və müdafiə naziri ,hazırkı nəqliyyat naziri Şaul Mofaz öz növbəsində, hesab edir ki, Livni, Olmertin korrupsiya qalmaqalı ilə bağlı yaranan çətin vəziyyətdən istfadə edərək, hökumət rəhbəri postunu göz altına alıb. Mofaz istənilən halda Olmertin günlərinin az qaldığını başa düşərək, ona dəstək göstərir, lakin partiya- daxili sençkiləri sentyabr ayınadək uzatmaq istəyir. Mofaz onlara qalib gələcəyinə və beləliklə də, özünün əsas məqsədi - Baş nazir vəzifəsinə yiyələnəcəyinə ümid edir.
"Onun rəhbərliyi dağılır. O, kreditə götürülmüş vaxtdan istifadə edir", - deyə Beqin və Sadat adına Strateji Araşdırmalar Mərkəzindən olan ekspert Efraim İnbar bu mövzu ilə bağlı bildirib. İnbarın sözlərini Nyu-Yorkda çıxan "Jewish Week" sitat gətirir. Avropa Universitetinin professoru Tafi də bu fikirdədir. O "Maarif" qəzetinə müsahibəsində bunları bildrib: "Baş nazir, siyasi böhrana baxmayaraq, Vaşinqtona gedir, çünki o, ictimaiyyətin diqqətini araşdırmalardan (korrupsiya iləbağlı) yayındırmaq üçün ondan aslı olan hər bir şeyi etməyə hazırdır".
