Azərbaycan, Bakı, 05 avqust / Trend , müxbir R.Ergün/ Azərbaycanlı şahmatçı Teymur Rəcəbov Rusiyanın Soçi şəhərində keçirilən FİDE-nin Qran-Pri turnirində qələbə qazanıb.
FİDE Qran-Prisinin beşinci oyun günündə Bolqarıstandan olan İvan Çeparinovla qarşılaşan Rəcəbov, rəqibini 38-ci gedişdən sonra məğlub edib. Azərbaycanlı qrossmeyster ağ fiqurlarla mübarizə aparıb.
Qran-Pri turnirində iştirak edən digər azərbaycanlı şahmatçı - Vüqar Həşimov isə Çindən olan Vanq Yu ilə xallarını yarı bölüb.
FİDE-nin Qran-Pri turnirinin beşinci turundan sonra Rəcəbov Çeparinov və rusiyalı Aleksandr Qrişukla birgə 1-3-cü yerləri bölüşür.
Aktivində 2,5 xalı olan Həşimov dördüncü pillədə qərarlaşıb.