Azərbaycan, Bakı, 08 avqust / Trend / Cari ilin iyul ayında Bakının tikinti materialları bazarında qiymətlər iyun ayına nisbətdə 0,6 faiz azalıb. Bu barədə "Əmlak bazarı iştirakçıları" İctimai Birliyindən məlumat verilib. İlin əvvəlindən tikinti materiallarının qiymətləri 10,6 faiz, 2007-ci ilin analoji dövrünə nisbətdə isə 8,6 faiz artıb.
Ay ərzində tikinti materiallarının 38 növü və 84 çeşidi üzrə monitorinq aparılıb ki, bunların 5-də artım, 16 - da enmə müşahidə olunub, 63 növdə isə, qiymətlər stabil qalıb.
Tikinti materialları üzrə qiymət artımı, əsasən, boru (1,4 faiz) və üzlük daşlarda (0,5 faiz) müşahidə olunub.
Qiymət düşməsi, əsasən, asma tavan (2,2%), izolyasiya materialı (1,4%), kərpic (1,3%) və s.üzrə qeydə alınıb.
Təşkilat tərəfindən aparılan monitorinqin yekunlarına əsasən, qiymət düşməsi yay mövsümü ilə bağlıdır.
