Azərbaycan, Bakı, 15 sentyabr / Trend , müxbir S.İsmayılbəyli/ Azərbaycan Milli Qeyri- Hökumət Təşkilatları Forumu (QHT) yerli qeyri-hökumət təşkilatlarının inkişafı ilə bağlı proqram hazırlayır.
"Proqramın hazırlanması üçün gələn həftədən yerlərdə ictimai müzakirələrə başlanılacaq", bazar ertəsi Trend -a forumun prezidenti Rauf Zeyni bildirib.
Trend arayışı: Milli Qeyri-Hökumət Təşkilatları Forumu 1999-cu ildə yaradılıb. 2008-ci ilə qədər foruma Azay Quliyev rəhbərlik edib. 2008-ci il iyulun 2-dən isə foruma Rauf Zeyni rəhbərlik edir. Hazırda Milli QHT Forumunun tərkibində 490-a yaxın qeyri-hökumət təşkilatı fəaliyyət göstərir.
Onun sözlərinə görə, oktyabrın əvvəlində həmin proqramın hazır olması planlaşdırılır. İctimai müzakirələrlə bağlı Şəmkir, Mingəçevir, Qəbələ, Şirvan və Quba Regional Resurs Təlim Mərkəzində keçiriləcək seminarlar zamanı proqram ətrafında müzakirələr aparılacaq, yerli qeyri-hökumət təşkilatlarının təklifləri dinləniləcək.
Məqalə müəllifi ilə əlaqə ünvanı: [email protected]
