Azərbayan, Bakı, 30 oktyabr/ Trend , müxbir İ.Əlizadə / Azərbaycanın Appelyasiya Məhkəməsi müxalifəti təmsil edən Liberal Demokrat Partiyasının mənzil-qərərgahla təmin olunmaqla bağlı şikayətini təmin etməyib. "Appelyasiya Məhkəməsi Xətai rayon Məhkəməsinin qərarının qüvvədə saxlanılması haqda qərar qəbul etdi və bizim şikayətimiz təmin olunmadı", - bu barədə cümə axşamı Trend -a müxalifəti təmsil edən Azərbaycan Liberal Demokrat Partiyasının (ALDP) sədri, prezidentliyə keçmiş namizəd Fuad Əliyev bildirib.
Trend - un arayışı: Müxalifəti təmsil edən ALDP 1999 - cu ildə yaradılıb. ALDP qərargah almaq üçün Dövlət Əmlakının İdarə Edilməsi üzrə Dövlət Komitəsini Xətai rayon Məhkəməsinə vermişdi. Partiya Xətai rayonu ərazisində üç ünvanda və Binədəqi rayon İbrahimpaşa Dadaşov kücəsi 60 ünvanında yerləşən binada onlara qərargah ayrılmasını tələb edirdi. Xətai rayon Məhkəməsi partiyanın iddiasını təmin etməyib.
ALDP Xətai məhkəməsinin qərarıdan appelyasiya şikayəti vermişdi.
"Gələn həftə Appelyasiya Məhkəməsinin qərarını alacağıq və Ali Məhkəməyə müraciət edəcəyik. Ali Məhəkmə də partiyamıza qərargah ayrılması haqqında qərar qəbul etməsə, İnsan Hüquqları üzrə Avropa Məhkəməsinə müraciət edəcəyik. İnanırıq ki, Avropa Məhkəməsi bu məsələni bizim xeyrimizə həll edəcək", - deyə partya sədri əlavə edib.
Onun sözlərinə görə, Xətai ərazisində müəyyənləşdirdikləri yerlər bir müddət sonra başqa şəxslər tərəfindən özəlləşdirilib, Binəqədi rayonu ərazisində olan binada isə, Mətbuat Şurasını və müxalifəti təmsil edən Azərbaycan Sosial Demokrat və Ədalət partiyalarını yerləşdiriblər: "Lakin orada hələ də iki-üç mərətəbə boşdur".
Məqalə müəllifi ilə əlaqə ünvanı: [email protected]