Azərbaycan, Bakı, 05 noyabr / Trend , müxbir A.Hüseynbala / Azərbaycan müxalifətinin geniş tərkibdə əməkdaşlığı ilə bağlı ideyalar mətbuata əvvəlcədən açıqlanmamalıdır.
"Əməkdaşlığı nəzərdə tutan şəxslər öz aralarında konkret və səmimi müzakirələr aparıb razılıq əldə etməklə birləşməlidirlər", - çərşənbə günü Trend -a Müsavat Partiyası deputat qrupunun üzvü Pənah Hüseyn bildirib.
Trend - un arayişi: Müxalifətin Əməkdaşliq Mərkəzinə "Azadliq" bloku (Azərbaycan Xalq Cəbhəsi, Liberal, Vətəndaş və İnkişaf partiyaları), Müsavat Partiaysi və "Azərbaycan Naminə" İctimai Forum (ANİF) daxildir. Sentyabrın əvvəlində bu siyasi təşkilatlar oktyabrin 15 - də keçirilən prezident seçkisini qanunsuz tanimaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri - legitim elan edilib.
Seçkidən sonra müxalifətin daha geniş koalisiyada birləşməsi istiqamətində danışıqlar başlasa da, qarşılıqlı ittihamlar üzündən, hələ ki müxalifətin geniş koalisiyasının yaranması baş tutmur.
Hüseynin fikrincə, müxalifətin daha geniş tərkibdə əməkdaşlığı deklorativ xarakter daşımamalıdır.
"Bizdə belə bir ənənə var, kimsə ideyanı mətbuatda irəli sürür, sonra kiminsə təşəbbüs müəllifliyi məsələsi əməkdaşlığın reallaşmasına mane olur", - deputat vurğulayıb.
Onun sözlərinə görə, bir müddət əvvəl AXCP sədri Əli Kərimli Vahid Əməkdaşlıq Mərkəzinin yaradılması ideyasını irəli sürmüşdü. Sonra Müsavat Partiyasının başqanı İsa Qəmbər məşvərət xarakterli geniş tərkibli əməkdaşlıq modelinin yaradılmasının mümkün olduğunu bildirdi.
"Bunlar müsbət təkliflər olsa da, sözdən, bəyanatlardan konkret işə keçmək lazımdır", - Hüseyn bildirib.
Müsavat deputat qrupunun üzvü deyib ki, vəziyyətin çox kritik olduğunu nəzərə alaraq, müxalifət hərəkatları yersiz eqoistlikdən, korporativ maraqlardan əl çəkməlidir.
Müsavat Deputat Qrupunun parlamentdə 5 üzvü var.
Məqalə müəllifi ilə əlaqə ünvanı: [email protected]
