İran, Tehran, 06 noyabr / Trend , müxbir A.Namdari /İran parlamentinin Milli təhlükəsizlik komissiyasının üzvi Məhəmməd Mehdi Şəhriyari Trend -a açıqlamasında bildirib ki, İran Silahlı Qüvvələri asanlıqla Hörmüz boğazını bağlaya bilər. Bu məsələdə "xam xəyal"a düşməyə dəyməz.
NATO Hərbi- Dəniz qüvvəLərinin komandanı, admiral Maurizio Gemiqnani Küveytə noyabrın 5 - də rəsmi səfəri zamanı İranın Hörmüz boğazını bağlamaq təhdidini "xəyal xəritəsi" adlandıraraq bildirib ki, Hürmüz boğazı beynəlxalq su keçididir və bağlanıla bilməz .
"Amerika və Qərb bilirlər ki, İran asanlıqla Hörmüz boğazını bağlaya bilər, lakin bu haqda fikir bildirməkdən çəkinirlər", - deyə Şəhriyari bildirib.
Şəhriyari əlavə edib ki, NATO komandanının bu cür çıxışı pisxoloji müharibədir, ölkənin Silahlı Qüvvələri Hörmüz boğazını bağlamaq üçün lazimi gücə malikdir.
Onun sözlərinə görə, hazırda İran Hörmüz boğazını bağlamaq niyyətində deyil, lakin İrana hərbi təcavüz edilərsə, bu strateji boğaz bağlanılacaq.
İran oktyabrın 28 - də Hörmüz boğazının şərqində yeni hərbi baza yaradıb. Dünya neftinin 40 faizi bu boğaz vasitəsi ilə daşınır.
