Azərbaycan, Bakı, 06 dekabr/ Trend , müxbir A.Hüseynbala/ Azərbaycanın müxalif partiyasının Ali Məclisinin iclasında bələdiyyə seçkisinə hazırlıq müzakirə olunub.
"Partyianın yerli təşkilatlarına bələdiyyə seçkisində iştirak edəcək namizədələrin müəyyənləşdirilməsi prosesinə başlanılması ilə bağlı tapışrıqlar verilib", - şənbə günü Trend -a Azərbaycan Demokrat Partiyası (ADP) Ali Məclisinin sədri Nəsrət Rüstəmov bildirib.
Trend -ın arayışı: Azərbaycanda bələdiyyə seçkisi 2009-cu ilin dekabr ayında keçiriləcək. Bundan əvvəl iki dəfə- 1999-cu və 2004-cü ildə bələdiyyə seçkisi keçirilib.
Onun sözlərinə görə, Ali Məclisin iclasında partiya sədri Sərdar Cəlaloğlunun ölkədəki ictimai-siyasi vəziyyətlə bağlı məruzəsi dinlənilib.
"İclasda oktyabrın 15-də keçirilən prezident seçkisinin nəticələri ilə bağlı İdarə Heyətinin qəbul etdiyi qərar da təsdiqlənib", - Rüstəmov qeyd edib. Sağ təmayüllü partiya olan ADP 1991-ci ildə Sərdar Cəlaloğlu tərəfindən təsis edilib. Partiya 2007-ci ilin yanvarınadək iqtidara qarşı radikal müxalif mövqedə olub. Yanvarda ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarları ADP-dən imtina edərək özlərinin Açıq Cəmiyyət Pariyasını yaradıblar.
Məqalə müəllifi ilə əlaqə ünvanı: [email protected]
