Azərbaycan, Lənkəran, 23 dekabr/ Trend , müxbir P.Əliyeva/ Azərbaycanın cənubunda İrandan qaçaqmalçılıq yolu ilə gətirdiyi narkotik maddəni satmaq istəyən Cəlilabad rayon (paytaxt Bakıdan 230 kilometr cənubda) sakini saxlanılıb.
Daxili İşlər Nazirliyi Narkotiklərlə Mübarizə İdarəsinin cənub Regional Şöbəsindən çərşənbə axşamı Trend -a verilən məlumata görə, Cəlilabad rayon polis şöbəsi ilə birgə keçirilən əməliyyat tədbirləri nəticəsində, rayonun Lallar kənd sakini, 27 yaşlı Cəlal Hüseynov 1 kiloqram 215 qram heroini şərti alıcıya 18 000 manata (22 500 dollar) satarkən yaxalanıb.
Faktla bağlı rayon polis şöbəsində cinayət işi açılıb. İstintaq Hüseynovla əlbir olan şəxslərin dairəsini müəyyənləşdirir.
Şöbədən bildirilib ki, Hüseynov ifadəsində heroini İrandan qaçaqmalçılıq yolu ilə gətirdiyini göstərib.
Məqalə müəllifi ilə əlaqə ünvanı: [email protected]