Azərbaycan, Bakı, 20 yanvar / Trend müxbir S.Kazımlı/ Azərbaycan paytaxtında taksi sürücüsünə qarşı quldurluq edən dəstə yaxalanıb, çərşənbə axşamı Trend -a Bakı şəhər Baş Polis İdarəsinin mətbuat xidmətindən məlumat verilib.
Ötən il dekabrın 26-da saat 21:25 radələrində Sabunçu dairəsində naməlum şəxslər 1963-cü il təvəllüdlü Məsim Heydər oğlu Abdullayevin taksi kimi istifadə etdiyi "Azsamand" markalı 90-AC-619 dövlət nömrə nişanlı maşına minib Türkan qəsəbəsində ona bıçaqla hədə-qorxu gələrək 69 manatını alıblar.
Mətbuat xidmətinin məlumatına görə, Əzizbəyov rayon Polis İdarəsinin əməkdaşlarının keçirdikləri əməliyyat tədbirləri nəticəsində yanvarın 19-da əvvəllər məhkum olunmuş 1975-ci il təvəllüdlü Canur Əhmədağa oğlu Nəsirov və qardaşı 1985-ci il təvəllüdlü Mirəhməd tutulublar.
Faktla bağlı araşdırma aparılır.
Məqalə müəllifi ilə əlaqə ünvanı: [email protected]