Azərbaycan, Bakı, 20 yanvar/ Trend , müxbir E.Rüstəmov/
SOCAR şirkəti Gürcüstanın Dmanisi şəhərində "SOCAR" brendi altında 20 - ci yanacaqdoldurma məntəqəsini (YDM) açıb. Mərasimdə Azərbaycandan olan deputatlar Qənirə Paşayeva və Həvva Məmmədova, Azərbaycanın Gürcüstandakı mədəni mərkəzini nümayəndələri, eləcə də yerli əhali iştirak edib.
"Bu , SOCAR -ın Gürcüstanda açılmış 20 - ci yanacaqdoldurma məntəqəsidir, 21- ci məntəqə bu günlərdə Kutaisidə açılmalıdır. İlin sonuna Gürcüstanda YDM - in sayı 35-dən az olmayacaq", - SOCAR Georgia şirkətinin rəhbəri Mahir Məmmədov bildirib.
Dmanisidə YDM - in açılması mühüm rol oynayır; bu yalnız kommersiya xarakterli deyil, həm də sosial layihədir. Stansiya əməkdaşlarının əksəriyyəti azərbaycanlılardır, - Məmmədov vurğulayıb.
"Bu, vacib hadisədir; burada yaşayan azərbaycanlılar iş yerləri qazanıblar", - Azərbaycan deputatı Paşayeva deyib.
Bir neçə il ərzində SOCAR - ın yanacaqdoldurma məntəqələrinin sayı 60 -a çatdırılacaq.
SOCAR Energy Georgia Gürcüstanın neft və neft məhsulları bazarında distribüterlik və marketinqlə məşğuldur. O, Gürcüstan bazarında neft məhsulları və qaz satır, yanacaqdoldurma məntəqələri şəbəkəsinə malikdir. SOCAR Georgia-nın həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.
Müəlliflə əlaqə saxlamaq üçün elektron ünvan: trend @trend.az
