Azərbaycan, Bakı, 27 yanvar/ Trend , müxbir E. Tariverdiyeva/ Beynəlxalq normalara görə, Rusiyanın Abxaziya və Cənubi Osetiya ilə sərhədləri hüquqi baxımdan rəsmiləşdirmək qərarı qeyri - qanunidir, - Gürcüstanın eks - prezidenti Eduard Şevardnadze hesab edir.
Rusiya Abxaziya və Cənubi Osetiya ilə sərhədlərin hüquqi baxımdan rəsmiləşdirilməsi prosesinə başlayır, - "Exo Moskvı" radiosu xəbər verir.
İndi Gürcüstan rəhbərliyinə yaranmış vəziyyəti düzəltmək çox çətindir, - Şevardnadze hesab edir.
"Abxaziya və Cənubi Osetiyanın müstəqilliyini tanıyan Rusiya çox kobud səhvə yol verib və bu səhv Rusiyanın dağılmasına səbəb olacaq", - Şevardnadze çərşənbə axşamı telefonla Trend - a bildirib. Onun sözlərinə görə, beynəlxalq ictimaiyyət buna hansısa etiraz və mülahizələrlə reaksiya göstərsə də, bu, vəziyyəti düzəltməyəcək.
Rusiyanın Abxaziyada hərbi - dəniz bazası yaratmaq istəyinə dair suala cavab verən Şevardnadze bildirib ki, Rusiyanın özünün Qara dənizə çıxışları olmadığı üçün, bu, aydın məsələdir.
Moskva və Suxumi Abxaziyada Rusiya Qara dəniz Donanması gəmilərinin baza məntəqəsinin yaradılması barədə prinsipial razılıq əldə ediblər.
"Abxazlar gec - tez başa düşəcəklər ki, Rusiyanın tələsinə düşüblər. Rusiya ilə birgə yaşayış onlara müstəqillik, ənənələr və öz dilini Gürcüstanda olduğu kimi saxlamağa imkan verməyəcək", - Şevardnadze deyib.
Müəlliflə əlaqə saxlamaq üçün elektron ünvan: [email protected]
