Azərbaycan, Bakı, 04 fevral / Trend ,, müxbir K.Zərbalıyeva/ Azərbaycan həbsxanasında cəza çəkən məhkuma heroin gətirən şəxs saxlanılıb.
Penitensiar Xidmətin ictimaiyyətlə əlaqələr şöbəsindən çərşənbə günü Trend -a verilən məlumata görə, 1 saylı ciddi rejimli cəzaçəkmə müəssisəsində aparılan əməliyyat zamanı məhkum İbrahim Orucovun yanına gəlmiş qohumu, Salyan rayonu Qarabağlı kənd sakini Tofiq Qurbanovun gətirdiyi sovqata baxış zamanı şirniyyatın içərindən selofana bükülərək gizlədilmiş 5 ədəd bükülüdə ümumi çəkisi 6 qram 312 milliqram heroin aşkar edilərək götürülüb.
Saxlanılan Qurbanov və aşkarlanmış narkotik vasitə Nizami Rayon Polis İdarəsinə təhvil verilib. Fakt üzrə Polis İdarəsində cinayət işi başlanıb.
39 yaşlı məhkum Orucov 2000-ci il sentyabrın 1-dək qüvvədə olmuş Cinayət Məcəlləsinin quldurluq (93-5.3) maddəsi ilə təqsirli bilinərək 9 il müddətinə azadlıqdan məhrum edilib.
Məqalə müəllifi ilə əlaqə ünvanı:[email protected]
