Azərbaycan, Bakı, 27 mart / Trend müxbir E.Rüstəmov/ ABŞ Azərbaycanda hər hansı bazanın yaradılması məsələsini müzakirə etmir. Bunu cümə günü Trend -a ABŞ-ın Bakıdakı səfirliyinin ictimaiyyətlə əlaqələr şöbəsinin rəhbəri Terri Devidson bildirib.
"ABŞ-ın hərbi təyyarələrinin Azərbaycan ərazisi ilə uçuşları təhlükəsizliyə dair əməkdaşlığa daxil olan məsələlərdən biridir. Lakin Azərbaycan ərazisində hər hansı hərbi bazanın yaradılması haqda heç bir müzakirə aparılmayıb", - deyə Devidson vurğulayıb.
Onun sözlərinə görə, ABŞ Azərbaycanla təhlükəsizlik sahəsi ilə bağlı əməkdaşlığı yüksək qiymətləndirir.
"Azərbaycan Kosovo, İraq və Əfqanıstandakı sülhməramlı missiyalarda yaxşı tərəfdaş kimi öüzünü göstərib. rolunda çıxış edib" - deyən Devidson qeyd edib ki, bu yaxınlarda ABŞ Azərbaycanla Əfqanıstana daşımaların yaxşılaşdırılması üçün yerüstü nəqliyyat marşrutlarını müzakirə edib.
Martın əvvəlində Bakıda Əfqanıstandakı sülhməramlı əməliyyatda iştirak edən ABŞ, NATO və tərəfdaş ölkələrin hərbi qüvvəllərinin təchizatının yaxşılaşdırılması ilə bağlı ikigünlük konfrans keçirilib. Konfransda Türkiyə, Gürcüstan və Azərbaycanın nəqliyyat mütəxəssisləri iştirak edib.
...