Fransa, Strasburq, 30 sentyabr / Trend , müxbir A.Məhərrəmli/
Bu gün AŞ PA-nın payız sessiyası çərçivəsində qurumun Avropa Demokratlar siyasi qrupunun iclası keçirilib. İclasda siyasi qrup Türkiyənin AŞ PA-dakı nümayəndə heyətinin sədri Mövlud Çavuşoğlunun Avropa Demokratlar qrupunun AŞ PA prezidentliyinə namizədliyini təsdiqləyib.
Qeyd edək ki, qrupun iki namizədi olub: qrupun sədri David Vilşir və Mövlud Çavuşoğlu. Türkiyəli deputat əksər səs çoxluğu ilə qrupun AŞ PA sədrliyi postuna namizəd seçilib. AŞPA-nın hazırkı sədri Luiz Mariya de Puçun səlahiyyət müddəti 2010-cu ilin yanvar ayında bitir. Sədrliyə növbəti seçkilər 2010-cu ilin yanvar ayında olacaq. Prosedura görə AŞ PA sədrliyinə sədr Avropa Demokrat qrupundan seçilməlidir.
Məqalə müəllifi ilə əlaqə ünvanı: [email protected]