Gürcüstan,Tbilisi,1 oktyabr / Trend müxbiri N. Kirsxalia/
Litvanın xarici işlər naziri Viqaudas Uşatskis Rusiya-Gürcüstan müharibəsi səbəblərinin araşdırılması üzrə beynəlxalq komissiyanın məruzəsini "çox mühüm" adlandırıb. "Əsas odur ki, Gürcüstanın ərazi bütövlüyü tanınmışdır", - o, Gürcüstanla bağlı deyib.
Nazir həmçinin qeyd edib ki, həm Rusiya, həm Gürcüstan, həmçinin beynəlxalq təşkilatlar müvafiq nəticələr çıxarmalıdırlar. "Bu, ekspertlər tərəfindən hazırlanmış yüksək səviyyəli bir sənəddir və ən əsası odur ki, tərəflərdən hər biri onu qəbul etsin", - o deyib. Nazir əlavə edib ki, tərəflərin bütün baş verənlərlə bağlı öz məsuliyyətini hiss etməsi də vacib amillərdəndir.