Azərbaycan, Bakı, 14 oktyabr / Trend , müxbir A..Hüseynbala/
Azərbaycan Parlamentinin komitə sədri 2010-cu ilin büdcə layihəsində sosial məqsədlər üçün nəzərdə tutulan vəsaitin azaldılmayacağını düşünür.
"Biz hətta əhalinin sosial müdafiəsinə yönələn xərclərin bir qədər artırıla biləcəyini də istisna etmirik", - Trend -un məlumatına görə, çərşənbə günü jurnalistlərə Milli Məclisin Sosial siyasət komitəsinin sədri Hadi Rəcəbli bildirib.
Rəcəblinin sözlərinə görə, 2010-cu ildə pensiyaların artırılması da gözlənilir. "Pensiya haqqında" qanuna görə ildə bir dəfədən az olmayaraq pensiyaların baza hissəsi artırılmalı, sığorta hissəsi isə indeksləşdirilməlidır. Düşünürəm ki, gələn il də bu qanuna əməl olunmalıdır", - komitə sədri əlavə edib.
Onun fikrincə, 2010-cu ildə ciddi pensiya islahatlarının gözlənildiyini isə hələ ki, söyləmək mümkün deyil. Komitə sədri gələn ilin dövlət büdcəsində xərclərin azaldılmasının dünyada baş verən maliyyə böhranı ilə bağlı olduğunu istisna etməyib.
Məqalə müəllifi ilə əlaqə ünvanı: [email protected]
