Azərbaycan, Bakı, 09 noyabr / Trend , muxbir A.Hüseynbala/
Azərbaycanın müxalifətyönlü partiyasının beş nəfər üzüv bələdiyyəyə namizədliyini irəli sürüb
"Maliyyə problemlərinə görə partiya adından bələdiyyə seçkilərində yalnız 5 nəfər iştirak edəcək", - bazar ertəsi Trend -a Azərbaycan Liberal-Demokrat Partiyasının (ALDP) sədri Fuad Əliyev bildirib.
Trend -un arayışı: Azərbaycanda bələdiyyə seçkisi dekabrın 23-də keçiriləcək. 1718 bələdiyyəyə 15682 bələdiyyə üzvünün seçilməsi nəzərdə tutulur.
Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Əliyevin sözlərinə görə, partiya üzvlərinin əksəriyyəti bələdiyyələrə namizədliklərinin fərdi qaydada irəli sürüblər. "İndiyədək 875 nəfər müvafiq dairə seçki komissiyalarından imza vərəqələri alıb. Onların 300 nəfərə qədəri artıq imzalarını toplayaraq vərəqələri namizəd kimi qeydiyyata alınmaq üçün geri qaytarıb", - partiya sədri əlavə edib.
Onun sözlərinə görə, indiyə qədər partiya üzvləri ciddi qanun pozuntuları ilə üzləşməyiblər. "Amma təşviqat kampaniyasından çox şey asılıdır. Düşünürəm ki, partiya kimi mütəşəkkil kampaniya təşkil edə bilsək, seçkilərdə kifayət qədər uğur qazana biləcəyik", - Əliyev vurğulayıb.
АLDP 1999-cı ildə yaradılıb. 2000-ci ildə partiyanın sədri Zakir Məmmədov vəfat etdikdən sonra 2001-ci ildə ALDP ikiyə bölünüb. Valeh Ibadov və Fuad Əliyev hər ikisi ALDP adına iddia ediblər. 2004-cü ildə Ali Məhkəmənin qərarı ilə Fuad Əliyevin rəhbərlik etdiyi partiya ALDP kimi tanınıb və dövlət qeydiyyatından keçib.
Məqalə müəllifi ilə əlaqə ünvanı: [email protected]
