Gürcüstan, Tbilisi, 29 noyabr/Trend Neüs, müxbir N.Kirsxaliya/
Son iki gündə Gürcüstanda A/H1N1 virusuna 30 yeni yoluxma faktı qeydə alınıb. Xəstəlikərə Nəzarət Milli Mərkəzindən verilən məlumata görə, hazırda Gürcüstanda 177 "donuz qripi"nə yoluxma faktı qeydə alınıb.
Tibb işçiləri bildirirlər ki, cəmi iki xəstə stasionar rejimdə müalicə alır, lakin onların vəziyyəti narahatlığa əsas vermir, belə ki, sağalmaq üzrədirlər. Qalan xəstələr isə evdə həkim nəzarəti altında müalicə kursu keçirlər.
Gürcüstan həkimləri yaxın həftədə xəstələrin sayının artacağını gözləyirlər, belə ki, adətən məhz noyabr ayının sonu dekabr ayının əvvəllərində Gürcüstanda qrip epidemiyası daha geniş vüsət alır.