Gürcüstan, Tbilisi, 07 dekabr / Trend , müxbir N.Kirsxaliya/
Gürcüstan tərəfi Rusiya-NATO Şurası formatının bərpa edilməsini alqışlayır.
"Əgər biz birgə təhlükəsizlik formulunun olmasını istəyiriksə, belə olan halda Rusiyanın da iştirakı vacibdir", - xarici işlər nazirinin müavini Nino Kalandadze bu gün brifinqdə deyib.
Onun sözlərinə görə, bu format Qərblə Rusiyanın təhlükəsizliyin təmin edilməsinə dair dialoq qurması üçün əlavə vasitə olacaq.
Avqustda Gürcüstan-Rusiya müharibəsindən sonra fəaliyyətini dayandıran NATO-Rusiya Şurasının fəaliyyəti bir neçə gün əvvəl yenidən bərpa edilib.
Məqalə müəllifi ilə əlaqə ünvanı: [email protected]