Azərbaycan, Lənkəran, 07 yanvar / Trend , müxbir P.Əliyeva/
Azərbaycanın cənub bölgəsində ötən il 111 kiloqramdan çox narkotik maddə ələ keçirilib ki, bu da 2008-ci illə müqayisədə 32 kiloqramdan çoxdur.
"Azərbaycanın cənub bölgəsində ötən il 55 cinayət faktı üzrə ümumi çəkisi 111 kiloqram 676 qram olmaqla, 92 kiloqram 169 qram həşiş, 17 kiloqram 445 qram heroin, 262 qram tiryək, 1 kiloqram 800 qram psixotrop dərmanlar (tramadol) qanunsuz dövriyyədən çıxarılıb", - cümə axşamı Trend -a Daxili İşlər Nazirliyinin (DİN) Baş Narkotiklərlə Mübarizə İdarəsinin Cənub bölgəsi üzrə regional şöbəsindən bildirilib.
2008-ci ildə 63 cinayət faktı üzrə 143 kiloqram 525 qram narkotik vasitənin qanunsuz dövriyyəsinin qarşısı alınlb. Həmin faktlar üzrə isə ikisi qadın, dördü İran vətəndaşı olmaqla 39 nəfər həbs edilib.
Ötən il narkotik maddələrin qanunsuz döriyyəsi ilə bağlı 35 nəfər tutulub.
"Onlardan 3-ü bölgədə yaşayan qadın, 8-i İran vətəndaşıdır", - məlumatda vurğulanır.
Regional şöbənin əməkdaşlarının dövriyyədən çıxardıqları 111 kq 676 qr narkotik vasitə ən çox Lənkəran rayonunda - 50 kiloqram 419 qram aşkarlanıb.
Narkotik maddələrin qanunsuz dövriyyəsinə dair faktların 14-ü qaçaqmalçılıqla bağlı olub.