Azərbaycan, Bakı, 10 mart / Trend , müxbir T.Cəfərov/
İranın Astara sərhəd xidmət rəisi Mehdi Şəhidinin başçılıq etdiyi nümayəndə heyəti bu gün Azərbaycana səfər edəcək. Bu barədə Trend -a hüquq-mühafizə orqanlarındakı mənbədən məlumat verilib.
Xəbəri İranın Azərbaycandakı Səfirliyinin mətbuat xidmətinin rəhbəri Abbas İsgəndəri də təsdiqləyib.
İsgəndəri əlavə edib ki, Şəhidini Astara gömrük xidmət rəisi Səid Firuzabadi da müşayiət edir.
Səfər zamanı iranlı heyət Azərbaycan sərhəd-gömrük rəsmiləri ilə ikitərəfli əlaqələrin inkişafı və digər məsələlər barədə müzakirələr aparacaq.