Azərbaycan, Bakı, 1 may /Trend, müxbir A.Hüseynbala/
Azərbaycan Parlamentinin sədr müavininin rəhbərlik etdiyi nümayəndə heyəti Böyük Britaniyaya səfərə edəcək.
"Parlament sədrinin müavini, ATƏT Parlament Assambleyasında nümayəndə heyətimizin rəhbəri Bahar Muradova və deputat Azay Quliyev ATƏT-in müşahidəçi missiyasının tərkibində Böyük Britaniyada keçiriləcək parlament seçkilərini müşahidə etmək üçün mayın 3-dən 8-dək bu ölkədə səfərdə olacaqlar", - şənbə günü Trend-ə Milli Məclisin mətbuat xidmətindən bildirilib.
Millət vəkilləri London şəhərindəki seçki məntəqələrində olacaq, vətəndaşların səsvermə hüquqlarının təmin olunması ilə maraqlanacaq, burada keçiriləcək görüşlərdə Azərbaycanın seçki təcrübəsi barədə məlumat verəcəklər.