Azərbaycan, Bakı, 17 avqust /Trend, müxbir K.Zərbalıyeva/
Rusiyanın hüquq-mühafizə orqanları tərəfindən axtarışda olan şəxs Azərbaycanda tutulub.
Daxili İşlər Nazirliyi mətbuat xidmətindən çərşənbə axşamı Trend-ə verilən məlumata görə, Quliyev Abdulla Firuddin oğlu Volqoqrad vilayətinin Qorodişen Rayon Daxili İşlər Şöbəsi tərəfindən axtarışa verilib və Rusiyanın Cinayət Məcəlləsinin soyğunçuluq (161-ci) maddəsi ilə təqsirləndirilir.
Quliyev Azərbaycan Daxili İşlər Nazirliyi Baş Pasport, Qeydiyyat və Miqrasiya İdarəsi əməkdaşlarının həyata keçirdikləri tədbirlər nəticəsində tutulub.