Azərbaycan, Bakı, 17 avqust /Trend, müxbir T.Hacıyev/
Azərbaycanda "Qadınların seçici fəallığının artırılmasında beynəlxalq təcrübənin tətbiqi" mövzusunda beynəlxalq konfrans keçiriləcək. Bu barədə çərşənbə axşamı Trend-ə "ELS" Müstəqil Araşdırmalar Mərkəzindən məlumat verilib.
Məlumatda qeyd olunur ki, "ELS" Müstəqil Araşdırmalar Mərkəzinin təşkilatçılığı ilə avqustun 24-25-də Gəncə şəhərində keçiriləcək konfransda ABŞ və Bolqarıstan qadın ictimai təşkilatlarının təmsilçiləri də iştirak edəcəklər.