Gürcüstan, Tbilisi, 5 oktyabr /Trend, müxbir N.Kirsxaliya/
Azərbaycan DİN nümayəndə heyəti Gürcüstan DİN-in Polis Akademiyasına baş çəkib.
Akademiyadan Trend-ə verilən məlumata görə, Azərbaycan nümayəndə heyətinə Azərbaycan Daxili İşlər Nazirliyinin departamentləri və bölmələrinin nümayəndələri daxil olublar.
"Səfər tanışlıq xarakteri daşıyır və tərəflər arasında təcrübə mübadiləsini nəzərdə tutur", - akademiyadan bildirilib.
Müəssisənin direktoru Xati Dekanoidze ilə görüşdən sonra azərbaycanlı polislər akademiyanın binası ilə tanış olublar.